scheiss wätter 26.04.2006

Liebi Lüt mir schribe bereits dr 27. April vo diesem Jahr,
I bi würklech nid bsoffe, das isch tatsächlech wahr!
We mi fragsch chönnts ehner fangs ändi Februar si,
Oder isch öppe ersch grad d‘Wiehnacht u der Silvester verbii?

I weis nid so rächt was i söu afa mit em Wätterbricht,
Ha baud z‘Gfüehu d‘Sprächer sig nid ganz dicht!?
Äs höch im Mittuland u im Weschte Sunneschiin,
Wo wohne mir de eigentlech? ömu gwüss nid im Engadin!

Ach wie schön wärs doch mit em‘ne „Sex on the Beach“ i der Hand,
Mit Strouhuet, Sunnecrème u re heisse Bibe i lockerem Gwand.
Mit Bluesigem Sound hinger‘em Schtüür vo‘re protzige Ami Pfanne,
Oder ganz eifach im Schatte vo‘re mächtige Jura-Tanne.

Doch nüt mit söttigne Tröimereie u Gedankessprüng,
Üses Wätter isch nid nume für d‘Chatz, nei ou für d‘Hüng.
Aber äbe, müesse z‘Wätter näh wies chunnt, sisch haut jetz eso,
Vom Föhn hätt mer sicher nume Gringweh übercho!